لما تطلبي من ابنك طلب ويقولك لأ

لما تطلبي من ابنك طلب ويقولك  لأ 

متقوليلوش يعني ايه لأ 😈

قوم اعمل اللي بقولك عليه 😈

وتتخضي وتقولي ابني مش بيسمع الكلام 😑

او اخرتها بيقولي لأ .. ادي اخرتها 😑

هو ممكن يكون بيلعب 

او بيعمل حاجة مهمة بالنسبة له 

انه قال لأ (  دي حاجة بيتاخد فيها كورسات دلوقتي لينا احنا يا كبار ) 

لاننا مش بنعرف نقول لأ .. ونلاقي نفسنا بنعمل اللي مش عاوزين نعمله علشان مش هنقدر نقول لأ

ابنك لما بيقول لأ بيقولها بثقة 

متهدميش الثقة اللي بالفطرة ربنا خلقه بيها 

ودي من ضمن عوامل كتير يا بتخلي ابنك شخصية قوية 

يا تخلي ابنك شخصية غير قوية 

طيب ازاي اطلب وازاي اربيه لما كل حاجة يقولي لأ ؟؟؟

نتعلم نطلب صح علشان الاجابة تبقى اللي احنا عاوزنها 👌👇

 1 - تستأذني .. حمزة ممكن اطلب منك طلب 

2- تطلبي .. ممكن اغطيك كويس 

3- متتوقعيش انه مكنة .. رفض بقى ( نوريلي النور - نورت النور - غي حاجة في هدومي مش معدوله - عدلت الهدوم ) 

 

بمعني انه مش هينفذ الاوردر حالاااا 

ف إديله وقته 

لو حسيتي ان الوقت طول فكريه اغطيك بقى وانا بالفعل بعطيه و مفيش أي مقاومة خلاص 

٤- قولي شكرا او تسلم ايدك يا حبيبي بعد ما يعمل اللي انتي طلبتيه .. تصبح على خير بما اننا بننام بقى

المثل بشكل تاني : 

# حمزة :اتغطى حلو 

 - نوريلي النور 

# اتغطى الأول

- في حاجة مضيقاني 

# يووووووه ما لو اتغطينا عدل مفيش حاجة هتضايقك 

هوب شديته من قفاه فين اللي مضايقك..  ده .. اهوووو 

خلااااص نتغطى بقى 

اتعاملي معاهم بالطريقة اللي تحبي انهم  يتعاملوا معاكي بيها ❤

انتي عارفة المشكلة ايه 🤔

اننا كلنا عندنا مشكلة ف التحكم 😏

ازاااااي نطلب طلب أو نقول الحاجة ومتتعملش 😏

فمش قادرييييين نحط في اعتبارنا انهم لهم شخصيتهم ورأيهم ولعبهم ( حياتهم )

ولو كملتي كده هتلاقي نفسك بتسيطري وبتفرضي شخصيتك على شخصيته 

ويوصل انه مش قادر ياخد القرار ( أي قرار )

ولو كان حتى قرار جوازه ودي مشكلة حقيقية بتحصل كتيييير 

الموضوع حلقات موصوله في بعض بتبدأ من بدري اوي 

بتبدأ من دلوقتي من عندنا ومن طريقة تربيتنا .. ا

تعلمي الفكرة .. متنكيريش .. متستغربيش ..

هتاخدي وقت بس هتتعلمي 👌

 

احنا مش بنبني وبنربي للنهاردة متنسيييييش 

ولو نسيتي انا بفكرك اهووو

احنا بتربي لل ١٥ - ٢٠ سنة جايين قدام 

#نربي_أنفسنا_كي_نربي_ابنائنا❤❤

#شخصية_قوية